ASIA CUP FINAL - PAKISTAN VS SRI LANKA...

Jab Pakistan India se match jeeta to humne kaha ke hum aaj final jeet gaye aur khushi final jeetne ke barabar hi thi. Pakistan jab jeeta to hum apnay mulk ki saari pareshniyan bhool gaye, sab bhool gaye ke kon sindhi hai kon punjabi kon balochi... sab sirf PAKISTANI thai. Ek yehi kari hai jo hum logon ko joray rakhti hai hum khush hotay hain saari pareshaniyan bhool jaatay hain.

Agar baat hai final jeetne ki to hum bhi aadat se majboor hain FINAL abhi baaqi hai mere dost kyunke Sri Lanka se match abhi baaqi hai. Hum aisay kese kisi ko haath aaya CUP lejaanay dain. Hum itne bhi rehem dil nahi. 

Jahan tak is match ki baat hai to yeh match Pakistan standard time ke hisaab se dopeher 1:00 bajay 8th of March, Shere Bangla National Stadium, Mirpur mein khela jayega. Players ki baat ki jaye to humara ek player jo ke hamain 2 matches jitwa chuka hai Shahid Khan Afridi wo fit nahi jabke unka fitness test match ke din hi hoga. To kya yeh match Shahid Afridi khel paayenge??? is baat ko sunke log pareshan hain ke agar Shahid Afridi nahi khelenge to hum jeetenge kese. Lekin aisa nahi hai hamain apni poori team pe bharosa hona chahiye In Shaa ALLAH kal hamari poori team acha perform karegi.


Har ek ka acha din aata hai to kya pata kal hamara din ho aur Pakistani team Asia Cup jeetke aur 'ASLI CUP' (samajh to aap gaye hongay) leke aaye aur Pakistaniyon ko khush karay AAMEEN...