ZINDAGI KI KEEMAT

Zindagi  Kia Hai?  Zindagi Ka Falsafa Kia Hai? Mery Nazdeek Zindagi Mout Tak Ka Safar Hai Or Ham Nae Jantey Ye Safar Kab Khatam Ho Jaey. Kuch Ka Safar Jaldi Khtam Ho Jata Hai Tou Kuch Ka Dair Sey  Lakin Sab Ki Manzil Ek Hei Hai. Agr Aj Ham Apny Ird Gird Dekheiyn Tou Hamen Pata Chalta Hia K Ham Zindagi Ki Haqiqat Ko Bhool Gaey Hein. Ham Ye Bhool  Gaey Hein K Hamein ALLAH Ki Taraf Lout K Jana Hai Or Usko  Apny Har Aamaal Ka Jawab Dyna Hai. Hamara Aalmiya Ye Hai K Hmarey Mulk Pakistan K Ek Hisey Mai  Bachey Qehat Sey Mar Rahy They Or Hamari Hakumat Youth Festival Karwany Mai Masroof Thi. Mujhe Is Bat Par Aitaraz Nae K Punjab Hakumat Youth Festival Karwaey Ya Sindh Hakumat  Sindh Festival Lakin Jo Awam K Aaeni Hakook Hain Wo Tou  Unko Diye Jayn. Aaj Ham Is Duniya K Pechey Bhagtey Ja Rhe Hein, Dolat Ka Hasool Hei Hamarey Liye Hei Sab Kuch Ban Geya Hai . Ham Is K Liye Machine Ban Kar Kam Kar Rhey Hein . Or Is Mai Ham Apni Ikhlaqiyat Bhi Bhulty Ja rhe Hein. Hamarey Zamir Maar Chuky Hein , Ham Itny Khud Garz Ban Chukey Hein K Hamein Apney Sey Aagey Koi Nazar Nae Aata. Hamein Sirf Apny Mafadaat Ki Paari Hei Chahey Un K Hasool Mai Kisi Dosarey Ki Jan Hei Q Na Chali Jaey. Ek Sawal Jo Hamesha Mery Zehan Mai Hai Wo Ye Hai K Kia Hamarey Mulk Mai Kisi Ki Jan Itni Sasti Hai K Jab Dil Chahey Us Ki Jan Ley Li Jaey. Tharparkar Mai Qahet Ki Suret –E- Hal Ko Takreban 4 Mah Ka Arsa Ho Geya Hai Is Arsy Mai Kaaei Maon Ki Godein Ujar Gaen Paar Hamrey Hukmaranon K Kanon Mai Joon Tak Nae Reingei. Mai Hukmaranoon Sey Sawaal Karti Hun K Agar Un K Bachoon Ko Zara Bhi Takleef Hoti Hai To Kia Wo Us Ko Tarapta Hoa Dekhtey Rehty Hein Ya Unki Takleef Door Karney K Liye Koi Door Dhoop Bhi Kartey Hein, Kia Wo Apny Bachey K Liye Dosaron Sey Lar Nae Partey K Un Ki Jan Bachaey Jaey. Hamarey Han Tou Hukmaranon K Bachey Agr Koi Galat Kam Bhi Karein Tou Bhi Unko Bacha Liya Jata Hai Tou Phir Kiun In Masoom Bachoon Ki Parwaah Nae Ki Gae, Kiun In Ko Tarapney K Liye Chor Diya Geya Or Un Key Waldein Ko Oolad Ki Takleef Bardasht Karny Jaisi Azmaish Mai Dal Diya Geya. Agar Ye Khabar Media Par Nashar Na Hoti Tou Is Ki Taraf Kisi Ney Towaja Nae Di Thi. Sawaal Ye Paida Hota Hai K Hakumaat Kis Bat Ka Inntazaar Kar Rhe Ti? Kia Is Bat Ka K Kab Ye Khabar Nedia Ki Zenaat Baney Gei Or Us K Bad Hei Ye Khuwab E Gaflat Sey Jageyn Gayn.

Lakin Is Sab K Bawajood Ham Hukmarano Ko Bhi Kitna Qasoorwar Theraen Ham Ba Hesiyat Qoum Or Musalman Kitny Achey Or Neik Hein Ye Ham Sab Jantey Hein. Jis Mulak Mai Khoon Ki Bottle Jo Kisi Ki Zindagi Bachaney K Liye Intahai Ehm Hoti Hai Or Ek Shakh Ki Zindagi Us Khoon Ki Bottle Par Munhasar Hoti Hai Ham Us Mai Bhi Malawat Kar Dyty Hein Or Hamein Tou Sharam Bhi Nae Aati Or Na Hei Hamara Zamir Malamat Karta Hai K Hamari Waja Sey Kisi Ki Jaan Bhi Jan Sakti Hai.  Ham Kisi Cheez Ki Parwah Nae Kartey Ham Sirf Ye Sochtey Hain K Paisa Kaisy Kamana Hai Or Ham Sab Bas Usi Ki Dhun Mai Lagey Hoey Hein K Kis Tarahn Sey Paisa Kamaya Jaey Q K Hamein Ye Lagta Hai K Aaj Agar Hamarey Pass Paisa Ho Ga Tab Hei Ham Kamiyab Hon Gayn Duniya Mai Hamari Izat Ho Gei Jo Chahey Gayn Hasil Kar Paeyn Gayn. Lakin Mera Sawaal Ye Hai K Paisa Sey Kis Ki Mout Ko Tala Ja Sakta Hai?  Kia Ye Doolat Jis Ko Kamatey Hoey Haram Halal Ki Tamiz Nae Ki Jati  Jo Kisi Ka Haaq Maar Kar Kamia Gae Ho Kia Wo Akhrat Maii Ap K Kam Aaey Gei? ZARA SOCHIYE !