TRUE FRIENDSHIP...

Dost ek aisa tohfa hai jo aap khud ko dete hain. Dost wo log hain aapki zindagi mein jinka aapse khooni rishta nahi hota. Yeh mohabbat aur logon keliye pyar ka rishta hai.

Dost wo hota hai jiske saath aap araamdah mehsoos karte hain aur asaani se apne ehsasaat aur khayalat baant sakte hain. Ek acha dost aapko samajhta hai, kabhi judge nahi karta, hamesha saath dene ki koshish karta hai aur hamesha ek achi salaah deta hai.

"A friend is someone who knows all about you and still loves you."--- Elbert Hubbard

Jab bhi kisi ki zaroorat ho to ek sachcha dost hi aapke saath hamesha hota hai. Wo apne saray zaroori kaam
chhor dega lekin aapko kabhi akela nahi chhorega, khaas tor pe aapke mushkil waqt mein. isliye kaha jata hai, A friend in need is a friend indeed. Mushkil waqt mein pata chal jata hai ke kon aapka sachcha dost hai. Dost zyada honay se farq nahi parta lekin kon kon sachcha dost hai issay zaroor farq parta hai.

Jis tarah ke dost aapke hotay hain ussay aapki shakhsiyat ka pata chalta hai ke aap kis tarah ke logon se baat karna pasand karte hain. Isliye kaha jata hai ke har dost banane se pehle mohtaat rehna parta hai ke kahin koi ghalat shakhs se dosti na karli jaye. Aisay dost banane chahiyen jinke achay khayalaat hon, shakhsiyat achi ho. Aisay logon ko dost banaein jinke saath acha mehsoos karsakain aur jin pe yaqeen aur bharosa karsakain.

GOOD FRIENDS ARE LIKE STARS.

you don't always see them,

but you know they're always there... Old Saying